«Ұлы Дала Ақиқаты» монографиясының халықаралық ғылыми айналымға шығуы
2025 жылғы 10 желтоқсанда «Ұлы Дала Ақиқаты» атты іргелі монография орыс және ағылшын тілдеріне толық аударылып, аударма жұмыстары ресми түрде аяқталды. Бұл — отандық тарихи ғылым үшін маңызды кезең әрі Ұлы Дала тарихын халықаралық деңгейде таныту жолындағы жүйелі қадам.
Монографияның бірнеше тілде қолжетімді болуы ең алдымен қазақ тарихының ғылыми айналымын кеңейтеді. Бұған дейін тек қазақ тілді оқырманға арналған еңбектегі тұжырымдар енді ТМД елдерінің зерттеушілері мен әлемдік академиялық қауымдастыққа ұсынылып отыр. Бұл Ұлы Дала тарихына қатысты қалыптасқан біржақты немесе үстірт көзқарастарды қайта қарауға мүмкіндік береді.