«Ұлы Дала тарихы» ғылыми-зерттеу орталығында оқытушылар мен студенттерге арналған тегін Шағатай жазуы курстары өтеді.
Аталған курс тілдік құзыреттілікті арттыруға, ғылыми ынтымақтастықты дамытуға және Қазақ халқының тарихы жазылған шағатай тіліндегі көне еңбектерді оқып-зерттеуге зор мүмкіндік береді.
Курсты тарих ғылымдарының магистрі, «Ұлы Дала тарихы» ғылыми-зерттеу орталығының қызметкері Ділмұрат Зәріпбайұлы Уразбаев жүргізеді.
Курстың басталуы: 20 қазан
Аяқталуы: желтоқсан айының соңына дейін
Сабақтар әр аптаның дүйсенбі күні өткізіледі.
Қатысушылар өзіне ыңғайлы уақытты таңдай алады:
- таңертеңгі топ: 10:00–11:00
- түстен кейінгі топ: 15:00–16:00
Өтетін орны: Алматы қаласы, Әйтеке би көшесі, 114/1, 4-қабат, 414-кабинет
Тарих пен тілге қызығушылық танытқан баршаңызды курсқа қатысуға шақырамыз!